[ 類風濕的爸爸(完)] X [ 問米]
♡ 問米
爸爸走咗之後, 三叔就提議問米， 因為本身三叔都係一個 好傳統嘅人，尤其是我哋本身係香港原居民， 係漁民！ 所以有非常多嘅傳統習俗要跟隨！
♡ 民間習俗 vs 神神怪怪
聽到三叔話要去問米，我心裏面都覺得好驚好恐怖！ 又唔知係咪真， 但係點都要去㗎啦。我抱住當時 Professor Ng 話民間習俗都係 心理治療嘅一種方法， 於是抱著一個又好奇又恐懼嘅心態去見識一下！
# 問米並不是想像中那樣
當日去到其實係一間位於屯門嘅公屋， 燈火通明，當然係有一個好大嘅神壇！ 但係沒有一種恐怖嘅感覺， 當那位女士坐在神壇前聞住香，念念有詞，之後說出的竟然都是爸爸的語氣，同家中的小秘密， 有交帶我哋點樣處理後事 又提點細路最易信人， 記住提佢 呢一點， 之後話如果之前有刮痧治療，應該會身體好啲等等。最後嘅環節就係家人會帶一啲 親人喜歡吃嘅食物， 給他品嚐。我哋帶咗番石榴同埋燒肉， 都是爸爸生前最喜愛的， 爸爸竟然食番石榴嘅時候講，話“真係好香呀!” , 呢啲說話嘅語氣同埋字眼同佢生前都真係一樣, 都不禁令我有啲相信!😦
♡得著- 學習推拿刮痧
所以之後我即刻去學推拿刮痧， 裝備好自己有一時之需！ 而家都 成日有幫人去刮痧， 幫咗好多人， 所以冥冥中自有主宰！
不過問你係真嘅定係假嘅都好, 確實完結咗呢個儀式之後， 我的心好似平靜落嚟，因為講咗未完嘅說話！😊
♡無常
呢件事告一段落之後， 其實一波未平一波又起！😭
#人生就係咁無常 #不斷咁考驗你 #問米 #民間習俗嘅意義 #營養師Kathy
Search